Castellano
Detalle trámite
Solicitude de axudas do plan complementario adherido ao fondo de financiamento para a reactivación económica e social
Non hai convocatorias abertas actualmente
O procedemento de "Solicitude de axudas do plan complementario adherido ao fondo de financiación para a reactivación económica e social" ten por obxecto regular as axudas a conceder polo Concello de Ordes, adherido ao Fondo de Financiamento promovido pola Deputación da Coruña, aprobadas coa finalidade de impulsar a actividade económica e o emprego
no seu termo municipal e contribuír a paliar na medida do posible os danos derivados da pandemia da Covid-19, nas microempresas e autónomos/as. (Ver Bases)
Estas axudas van dirixidas a persoas traballadoras autónomas con ou sen traballadores/as ao seu cargo e microempresas, calquera que sexa a súa forma xurídica, que se atopen nalgún dos supostos indicados a continuación:
- Grupo I: Que se visen afectados polo peche en virtude do disposto no RD 463/2020, do 14 de marzo, polo que se declara o estado de alarma para a xestión da situación de crise sanitaria ocasionada pola COVID-19, e a súa modificación aprobada no RD 465/2020, do 17 de marzo.
- Grupo II: Que non se visen afectados polo peche, pero cuxa facturación no segundo trimestre fiscal de 2020 se vira reducida, polo menos, nun 75% en relación coa media efectuada no semestre natural anterior á declaración do estado de alarma. Cando a persoa física ou xurídica non leve de alta os seis meses naturais esixido para a acreditar a redución os ingresos, a valoración levarase a cabo tendo en conta o período de actividade.
- Grupo III: Que se viran na obriga de acollerse a un ERTE (Expediente de Regulación Temporal de Emprego), nos termos establecidos no RD 465/2020, de 17 de marzo.
Para os efectos destas Bases, para a consideración de microempresa atenderase ao indicado no Anexo I do Regulamento (UE) 651/2014, da Comisión, de 17 de xuño de 2014, polo que se declaran determinadas categorías de axuda compatibles co mercado interior en aplicación dos artigos 107 e 108 do Tratado, publicado no Diario Oficial da Unión Europea (DOUE) L 187, do 26 de xuño de 2014, segundo o cal a categoría de microempresa está constituída por aquelas empresas que ocupan a menos de 10 persoas e cuxo volume de negocios anual ou balance xeral anual non excedan de 2 millóns de €.
De forma telemática a través do botón "Iniciar trámite".
Dende o día 09/08/2021 ata as 23.59 horas do día 30/08/2021
- Solicitude
- Anexo VIII.
- NIF/NIE ou CIF segundo corresponda (só se o presentador defire do interesado).
- Declaración responsable do cumprimento de requisitos e obrigas.
- Certificado actualizado de Situación Censal da Axencia Estatal Tributaria.
- Informe actualizado de Vida Laboral da Empresa, expedido pola Tesourería xeral da Seguridade Social no que se inclúa o número de traballadores/as.
- Beneficiarios do Grupo II: Acreditación da redución de ingresos desde o seis meses previos á declaración do estado de alarma e ata a data de presentación da solicitude da axuda, mediante a presentación dalgún dos seguintes documentos: copia do libro de rexistro de facturas, libro diario de gastos, libro rexistro de vendas e ingresos e libro de compras e gastos, ou declaración de IVE, IRPF..
- Beneficiarios do Grupo III: Documento acreditativo da situación de ERTE
No anexo IX Declaración Responsable de cumprimento de requisitos e deberes, enumérase a documentación que o concello poderá, no seu caso, requirirlle aos beneficiarios/as.
Con todo, os solicitantes que xa presentasen dita documentación con obxecto da solicitude do PEL REACTIVA: fondo de financiamento para a reactivación económica e social da provincia da Coruña do Concello de Ordes, ao amparo do disposto no artigo 28.2 da Lei 39/2015, de 1 de outubro, do Procedemento Administrativo Común das Administracións Públicas, unicamente deberán presentar a solicitude de subvención.
- Regulamento (UE) n.º 1407/2013, da Comisión, do 18 de decembro, relativo á aplicación dos artigos 107 e 108 do Tratado de funcionamento da Unión Europea ás axudas de minimis (DOUE L 352, do 24 de decembro). (1)
- Regulamento (UE) n.º 1408/2013, da Comisión, do 18 de decembro, relativo á aplicación dos artigos 107 e 108 do Tratado de funcionamento da Unión Europea ás axudas de minimis no sector agrícola (DOUE L 352, do 24 de decembro). (1)
- Regulamento (UE) 2019/316 da Comisión do 21 de febreiro de 2019 polo que se modifica o Regulamento (UE) n.º 1408/2013 relativo á aplicación dos artigos 107 e 108 do Tratado de Funcionamento da Unión Europea ás axudas de minimis no sector agrícola. (1)
- Regulamento (UE) n.º 717/2014, da Comisión, do 27 de xuño, relativo á aplicación dos artigos 107 e 108 do Tratado de funcionamento da Unión Europea ás axudas de minimis no sector da pesca e da acuicultura (DOUE L 190, do 28 de xuño). (1)
- Ordenanza xeral de subvencións e transferencias da Deputación Provincial da Coruña
- Lei 7/1985, do 2 de Abril, reguladora das Bases do Réxime Local
- Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
- Lei 9/2007, do 13 de xuño, de Subvencións de Galicia.
- Lei 38/2003, de 17 de novembro, Xeral de Subvencións e o seu Regulamento de Desenvolvemento aprobado por RD 887/2006, do 21 de Xullo
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de axudas do plan complementario adherido ao fondo de financiamento para a reactivación económica e social
Inicio do procedemento: A instancia de parte.
Tipo de interesado: Persoa física ou xurídica.
Taxas/Impostos: Non aplica.
Canles de atención: Telemático (Iniciar trámite).
Presencial.
